ZALEN July 13, 2026 : Chawnpui huam chhung, Ebenezer Hopital piah kawng chhak lam chu a neitu lam leh a luahtu lam te chu hun engmaw chen court in an thubuai ngaihtuah hnuah vawiin khan Senior Civil Judge, Aizawl District thupek anga tih chhiat a ni.

He lai hmun inchuh hian hun engemaw chen chu buaina a lo awm tawh a, he ram buainaah hian High Court leh District Court-ah C. Zarzoliana, S/o Pachhunga Chhangte R/o Dawrpui, Aizawl, Mizoram chuan hnehna a lo chang tawh thin a, helai hmuna awmte hi Court bakah Land Revenue & Settlement Department, GOM, Aizawl lam pawhin chhuak turin an lo ti fo tawh tih Chawnpui Local Council atanga ZALEN thudawnna chuan a sawi.

Chawnpui Local Council member atanga thudawnna chuan Court thuchhuak avang hian tum li vel chu chhuak tura an hrilh tawh thu a sawi a, Land Revenue & Settlement Department, GOM, Aizawl pawhin chhuah tir tur hian tum hnih emaw chu Local hi an rawn ti tawh a ti a, an chhuah duh loh avangin tun hi thlen a ngai ta a ni, a ti.

Tuna In pathum an thiahna ram bakah hian kawngpui thlang lam pawh hi C. Zarzoliana ram a nih thu Chawnpui Local Council lam chuan an ti a, kawngpui a tlang takah hian a chhak lamah hian tuna In satute hian awmhmun an lo khuar ta mai niin an sawi.

Order-a tihchhuah-ah Civil Judge (Senior Division)- II chuan, he hmun atanga chhuak tura khingtu (Decree Holder) bakah Deputy Superintendent of Police, Executive Magistrate leh Local Council te chuan 02.07.2006 khan heng hmun luahtu te hi tha taka chhuak turin an hrilh a, mahse, ram luahtute hi an chhuah duh loh avangin hmalak a ngai tih a tarlang.

Decree holder hi helai hmuna building leh thil dang dinglai te tihchhiah phalsak a ni a, July 13, 2026-ah Superintendant of Police, Aizawl leh Officer-In-Charge, Vaivakawn Police te chu Decree holder hi tawimawm turin a ti a, Executive Magistrate, Aizawl chu he lai hmuna In ding te tihchhiat a nih dan July 15, 2026 hma-a hriattir turin a ti a. Deputy Commissioner Aizawl District chu July 13, 2026-a thil thleng hi lo buaipui turin a hriattir bawk a ni.