R. Dengthuama Indoor Stadium-a MSL 7 khelh mekah zanin dar 8 khan Chawnpui BC leh Chanmari Vikings an inhmachhawn a, 69-86 in foreigner leh state pawn player nei ve lo, Mizo hlanga khel leh  chak la nei lo Chawnpui BC chu Chanmari Vikings lakah an tlawm ve leh. 

Zanin inkhelhah hian Vikings foreign player Raymond Edward Miller Jr. a langsar ber a, point 26 a score bakah rebound 18 neiin tum 4 block a nei a. A team-mate zingah Michael F. Lalawmpuia chetha lehin point 17 a thun bakah Lalruatkima'n point 14 a hlawh chhuak ve bawk. Zan dang ang bawkin Chawnpui lamah player langsar leh chetha bik an awm hran lova, R. Lalmuanpuia'n point 19 a thawhchhuah bakah rebound 4 a la a, RVL Hriatrenga leh Laltlanhlua ten point 12 leh 11 an thawk chhuak ve bawk.

Inkhelh tan tir phat atangin hneh la neilo Chawnpui an rawn tang mar nghal a, Chanmari Vikings lam an insiam rem hmain 24-19 1 quarter an la der. Mizo hlanga khel mah nise, player ten an zam lo tih an lantir. 

Second quarter tan a ni a, Chanmari lam an rawn chetha ve thung a, Chawnpui lamin point 19 chiah an thun theih laiin point 26 zet an score a, quarter hnih chhungin Chawnpui-in point 43 an thun thei a, Vikings lamin point 45 thunin point hnihin hma an hruai a, chawlhlawk an hmang.

Quarter thumnaah Chanmari lam bawk chetha lehin point 23 an nei a, Chawnpui lam erawhin player tha an ngah loh an tuar deuhin a lang a, point an score hlei thei lo a, point 14 an thun thei hram.

Quarter tawp berah hian team pahnih te hian point an score hleithei lo va, Chawnpui lam an insiam rem hleithei tawh lo bawk nen point 12 chiah an thun thei a, Vikings lam pawhin quarter dang angin an thun thei bik lo. Hun tawp hamrik a rik thlengin point 18 chiah an thun thei.       
   
                Total 1qtr/2qtr/3 qtr/4 qtr
Chawnpui  69      24   19       14    12
Chanmari   86      19   26       23    18

Stats

Chawnpui BC
R. Lalmuanpuia - 19 pts - 4 rebounds - 3 assists - 1 block.
RVL Hriatrenga - 12 pts - 3 rebounds - 5 assists - 2 steals.
Laltlanhlua - 11 pts - 7 rebounds - 1 assist - 1 steal - 1 block.

Chanmari Vikings
Raymond Edward Miller Jr. - 26 pts - 18 rebounds - 4 blocks.
Michael F. Lalawmpuia - 17 pts - 3 rebounds - 4 assists - 1 steal.
Lalruatkima - 14 pts - 3 rebounds - 7 assists - 3 steals - 1 block.