Nizan Etihad Stadium-a Manchester City leh kaithar Nottingham Forest inkhelah Haaland chuan hattrick siam nawnin si ruk faiin a pawl te a chakpui.

He inkhelhah hian City an chungnung zawk hle a, ball possession 75% zet an chang. City tan hian an player thar Erling Haaland-a chetha leh hle a, first-half chhungin hattrick a siam thei. Kar hmasa inrinni khan Crystal Palace lakah a lo siam tawh bawk. A ni bakah an player thar tho Julian Alvarez chuan goal hnih a khung a, Joao Cancelo-a'n goal khat a khung bawk. 

Tunah City hian khelh 5-ah point 13 hlawhchhuak tawhin 2-na an ni mek a, nizan veka Aston Villa laka 2-1 a chakna chang, tun season-a la chak vek Arsenal chuan point 15 neiin hma an hruai mek. Liverpool pawhin Newcastle 2-1 a hnehin point 8 neiin 5-na an ni mek. 

Haaland hian minute 12 naah City goal hmasa ber a thun a, a hnu minute 11 ah goal dang thun belh leh. Goal a thun thiam zia lan tir lehin minute 38-ah City leh ama goal thumna a siam. A ni bakah hian Cancelo chuan minute 50-naah goal a khung a, an player lak thar Alvarez chuan nimute 65 leh 87-ah te goal a khung ve leh. 

Nizan inkhel result
Arsenal 2 - 1 Aston Villa
Bournemouth 0 - 0 Wolves
Man City 6 - 0 Nottm Forest
West Ham 1 - 1 Tottenham
Liverpool 2 - 1 Newcastle

    Team    P    GD    Pts
1. Arsenal    5    9    15
2. Man City     5    14    13
3. Tottenham    5    6    11
4. Brighton     5    3    10
5. Liverpool    5    9    8
6. Leeds    5    3    8
7. Fulham    5    1    8
8. Southampton    5    -2    7
9. Chelsea    5    -2    7
10. Brentford    5    3    6
11. Newcastle    5    1    6
12. Man Utd    4    -3    6
13. Crystal Palace
        5    -2    5
14. West Ham    5    -4    4
15. Nottm Forest 5    -9    4
16. Bournemouth    5    -14    4
17. Everton    5    -2    3
18. Wolves    5    -2    3
19. Aston Villa    5    -5    3
20. Leicester    4    -4    1