Tun hma lamin Chelsea football club hi club ropui leh hriat hlawh a ni ngai hran lo. Kum 2003 khan Russian pa hausa Roman Abramovic chuan he club hi a lei a, chumi hnu atang chuan Blues hi Premier League mai bakah khawvel club zinga hriat hlawh ber pakhat a lo ni ta.
   

Club-in sum a neih hnuah player manto leh manager hmingthang lak luh an tan a, an result a tha chho ve zel nen kum 20 dawn a vei meuh chuan player te khelh chakna leh coach te enkawl chak club an lo ni ta der mai. 
    Stamford Bridge-in player tha leh hmingthang an neih tam tak zinga skill tha leh thiam bik panga kan han tar lang dawn a ni.

#5 Ruud Gullit
    Ruud Gullit hian, a football career tawp lamah Chelsea hi a zawm ve chiah a. Chuti chung chuan club tan a thawh hlawk em em a, 1996 khan Chelsea 'Player of the Year award' a dawng hial a ni. 
   

1987 Ballon d'Or chawimawina dawngtu player talent nei tha Gullit hi Blues manager chuan a chhawr kual nasa hle. Gullit hian ball a thiamin a skill a sang a, ball a keng thei bawk nen game a siamin a thlak danglam nasa thei hle. 

#4 Willian
Brazilian player Chelsea star tam tak zinga pakhat Willian hi Blues tan player thawh hlawk pawl tak a ni. Chelsea tan Premier League tum hnih leh Europa League tum khat a chawi tawh bawk. 
   

Team tana a hlutna tizual tu pakhat chu position hrang hranga a khel kual thei hi a ni. Mual laiah a ding theih a, winger angin a chhawr theih bawk. Position hrang hranga chhawr theih Willian hi a ke a rang bakah a ke leh ball hi a rem ve hrim hrim tih mai a mawi a ni. 

#3 Joe Cole
Joe Cole hi 21st century chhunga  English player tha bera ngai an awm nual. A skill that leh chawpchilh taka a insiksawi zung zung thei hi a danglamna leh a that bikna a ni. Vanduaithlak takin hliamin a tlak buak ve zauh zauh avangin, a nih tur ang thleng phak lo leh a ropui tur anga ropui zo ta lo anga ngaih a ni bawk.
   

Chelsea-a a khelh chhung hian Premier League trophy pathum leh FA Cup pahnih a chawi a, heng lawmman an lak theih nana player thawhhlawk ber pakhat a ni bawk. 
Football legend Pele meuh pawhin, ‘A skill hi Brazilian nia mawi a ni’ tiin Cole hi a fak. 

#2 Eden Hazard
Eden Hazard hi kum 10 liam ta chhunga khawvel player tha ber zing ami a ni. A bik takin Premier League-ah a club Chelsea tan a chetha thei em em. Belgian star hi mid-field vei lamah a tangkai zualin a hriat a, a finishing tawih tak vang hian striker lamah pawh tlan mah se a duai lo hlein a rinawm. 
   

A tuan a thain a inthazo a, a balance that vangin ball pawh a keng rei thei a, lehlam pawl defender te chhaih buaitu player mual chhunga hmachhawn chakawm a ni lo.
   

FIFA World Cup 2018-a Brazil nen quarter-final a an in hmachhawn tumin dribble 10 zet a nei a, 1966 hnua player tithei leh hmasa ber a ni. 

#1 Gianfranco Zola
    Gianfranco Zola hi Premier League hunah chuan club player zinga skill nei tha ber a ni. Italian pa hi attacking position-ah chuan hmun hrang hrangah a tlan thei a, old-school defender harsa tih ber pakhat chu amah lo dan tum kha a ni awm e. 
   

A tuan a ranga a zam a that vangin, chawpchilh tak pawhin a insiam rem zung zung thei thin. A ball ken a ngheh ang bawkin a thahrui ngahna leh a ball thiamna chuan a pui nasa hle. Zola hian ball a chan chiahin a thian te tana awmsam taka dawn mai theih turin leh ngaihtuah buai vak lovin ball pek zung zung tur a hre thei a, ball khal kual velah pawh a sang hle a ni.