Zanin tlai dar 5:30 hian Premier League hmahruaitu Arsenal chu Chelsea hmachhawn turin Stamford Bridge lamah an leng lut dawn a, point 21 neia table 6-na hauh mektu lakah Arsenal hian an rawng sen chhuah tumin chak ngei an tum dawn a ni. 

Blues lamah hian goal thun thei tak Arsenal captain hlui Pierre-Emerick Aubamenyang a awm a, Arsenal lamah hian City hmatawng hlui Gabriel Jesus a awm thung. Anni pahnih bakah hian player tha tak tak an awm nual bawk avangin inkhel hmuhnawm tak a nih ngei a rinawm.

Chelsea hian coach thar Graham Potter-a hnuaiah hma an sawn chho bek bek a, point 10 zeta an phak loh Arsenal lakah hian a duai zawk nih an hreh hlein a rinawm. Chutihruali, Arsenal erawh season bul an tan that em vangin an confi laklawh a, chak ngei an tumin a rinawm.  

Arsenal lam hian Smith Rowe bak hliam an nei lo va, Chelsea erawh hliam an nei nual a, mahse an squad enin buaina lian tham an tawkin a rinawm loh.  Tun hnaiah Jesus-a’n goal thun harsat deuh a, Auba pawh a chuti lua bik lo. 

Arsenal hi an chak loh hlauh a nih chuan anni aia point hniha hnufual City-in an leh pel ang.