Portuguese superstar hi nikum hmasa nipui transfer laiin Manchester United lamah a kira, season liam ta khan Premier League-ah goal 18 zet thunin United tana goal khung hnem ber a ni. Mahse, kuminah erawh first XI a chang phak meuh lo. 

Nipui chhung khan Ronaldo hian Old Trafford chhuah san a tum nia hriat a ni a, heng vang te hi nge ni United preseason tam zawkah pawh a inlan lo. Spain club Atletico Madrid nen sawizawm an ni a, mahse tun hnaiah an manager Diego Simeone chuan Portuguese hian Los Colchoneros a zawm dawn lo niin a sawi thung. 

Daily Mirror chuan Chelsea lamah a kal mai theih thu an sawi a, Chelsea neitupa Todd Boehly pawhin nipui lai khan lak a duh hle a, chutiang boruak awm avanga Thomas Tuchel pawh khan ban ni hialin an sawi. 

Chlsea neitupa ber Boehly hi player lakluhna kawngah a inrawlh nasat thin avangin sawisel a hlawh hle a, mahse Graham Potter nen hian an la chhunzawm zel dawn rih niin a lang. Real Madrid star hlui hi Stamford Bridge lamah pawh an hruai lut thei ngeiin an ring.