ZALEN October 18, 2024 : AAP Mizoram chuan Zirna tha chu ram hmasawnna bulpui ber anih avangin theih tawp an chhuah zel tur thu an sawi a, Sawrkar hian zirna chungchangah a ngaihna a hre ngang lo anih chuan Cheng 1 hlawhin an enkawlpui theih thu an sawi.

AAP chuan DSC circular No. B 12015/5/2919 DSE dated 20 Sept, 2024 thuchhuah an hmuh angin, Aizawl District school tam takah, zirtirtu indaih lohna avangin subject thenkhat zirtima pek loh leh Exam conduct loh a awm tih an hmu a. He thuchhuah vekin a tar lan danin, he zirtirtu indaih lohna avanga subject thenkhata zirtirna dawn theih lohna chu, school Head Master/Mistress ten...... a tul anga hma lain ruahmanna lo siam tura ngen a, He thuchhuah hi AAP Mizoram chuan mak an tí.

Mizorama Sawrkarna siamtu ZPM Party-te sum indaih lohna kan hriatthiampui rualin, AAP ten kan ngaihpawimawh hmasak ber Zirna-in a tuar mek lai a, ngaihpawimawh hmasak ni lova, Party worker te contract inpekte, adviser sawrkar in a mamawh hauh lo nia lang leh an office enkawina tura sum tam tak luangral mekte leh zirtirtu indaih loh laia Party hruaitu education consultant atana rawih avanga sawi an kai ta chu pawi an ti.

AAP chuan School infrastructure siam hi mamawh anih rualin, a pawimawh hmasa zirtirtu, zirlaite mamawh hmasa ber pek hi sawrkar tha tih makmawhahan ngai. Tuna office thuchhuak an hmuh hỉ chu, Hmangaihna tel lo induhsakna Jakoba 2:16 "Thlamuang takin kal ula lum tak leh puar takin awm ru" ti ula taksa tana chakkhai chu in pek si loh chuan eng nge sawt ang tih ang vel a ni. Sawrkar school tin hian sum dawn belh tur eng mah an neih loh lai a, sawrkar pawhin a tih theih loh tih tir a tum chu mak an ti.

AAP chuan "Inthlan hmaa ZPM manifesto chapter VI Education (c) na Zirtirtu leh zima In semrual (Rationalisation of Teacher and Institution) kalpui ani ang tih hi engtikah nge kalpui anih ang?. Tun dinhmunah hian kan mamawh hle a ni lawm ni, tíh hi kan zawhna a ni," an ti.