ZALEN June 10, 2026: Saitual Police te chuan 09.06.2026 khan Keifang khaw daiah lirthei pakhat (Regn. No. UP32NZ6396), Manipur atanga Aizawl pan, Somraj (32) s/o Ramrakh Ram khalh chu an lo tiding a. Lirthei hi uluk taka enfiah a nih hnuah, a chhunga thuhruk, opium fluid ni ngeia hriat bawm 71 hmuhchhuah a ni. 

Heng ruihhlo kaihhnawih-a an mante chu -Somraj (36), s/o Ramrakh Ram, Jodhpur, Padiyal, Rajasthan leh Kailash (28), s/o Mohan Ram, Narsing Nagar, Dhawa-1, Jodhpur, Rajasthan te an ni a, Heng ruihlo man hi Kg 45.871 a rit a niin, tualchhung rate-ah cheng vaibelchhe ₹ 2.29 zet man hu a chhut a ni. 

Saitual PS Case/No.57/2026 Dt.09.06.2026 u/s 18(b)/25/29 ND&PS Act tlawhchhanin thubuai ziah luh a ni a, chhui zui hna kalpui mek a ni. 

Champhai Police te chuan 08.06.2026 khan Khankawn Check Gate-a duty-te chuan Champhai atanga Aizawl pana tlan lirthei pakhat chu tidingin an enfiah a. He lirthei passenger pakhat Vanlalnghaka (kum 36), Tualcheng khua, tuna Vengsang, Champhai District-a khawsa mek bag dum (black rucksack) chhunga Reebok pheikhawk sen chhungah Heroin ni ngeia hriat hawng 2 thuhruk chu hmuhchhuah a ni.  

He ruihlo hi a rih zawng gram 29 grams a niin, tualchhung hralhna rate-ah ₹5,80,000 zet man tura chhut a ni. He thil thleng chungchangah hian Champhai PS C/No. 92/26 dt. 08/06/26 u/s 21(b) NDPS Act tlawhchhanin thubuai ziah luh a ni.