India ram hi ram hausa a nih loh vangin car man tlawm tha si, chhungkaw tan pawha rinrawl a hman tlak car te tha tak tak a awm a. Chung car te tha tak tak zingah chuan tehna hrang hrang atanga teha cheng nuai 5 hnuai lam family car tha zual kan en ho dawn a ni.

1. Tata Tiago
Tata car zinga chhungkaw tana tha ber Tiago hmang hian bul han tan dawn ila. Tiago hi rawng chi ruk siam chhuah a ni. BS-VI variant car hian gear 5 a neiin a power hi 84bhp niin a torque chu 113Nm a ni.

He car lian lo tak hian a tet aiin hmun awl a nei zau reuh a, hmun awl litre 242 lai a nei a, bungrua mamawh tawh chu a leng va va a ni. 

Engine Displacement – 1199cc
Mileage – 23kmpl
Ex-showroom Price – Cheng nuai 4.60-in a intan.
Award – 2017 khan BBC Top Gear Award-in Car of the Year-ah an thlang. 

2. Maruti Suzuki Alto 800
Maruti Suzuki kutchhuak Alto 800 tel lo hi chuan India rama family car tha hi thlan chhuah a harsa viauin a rinawm. Alto 800 hi CNG leh petroleum variant siam chhuah a ni a, a pahnih hian BS-VI a update tawh a ni. 60Nm niin a power rating hi 40.3bhp a ni a, litre 177 hmun awl neiin chakkhai mamawh dahna hmun awl erawh a tam vak lo. 

Engine Displacement – 796cc
Mileage – 22kmpl
Ex-showroom Price – Cheng nuai 2.95 atangin a intan.
Award – 2013 khan CNBC Overdrive Award-ah Viewers’ Choice 4-wheeler Award a dawng. 

3. Maruti Suzuki Celerio
Maruti Suzuki siam tho niin Celerio pawh hi car tha tak a ni. Mipui lei theih turin Tango Orange, Arctic White leh Blazing Red rawng te siam chhuah a ni. 

A engine te hi a chak tha hle a, 67.04bhp a chak niin torque hi 90Nm a ni bawk. Alto aiin a chhung a lian a, liter 235 zet niin bungrua eng emaw zat a leng a ni. 

Engine Displacement – 998cc
Mileage – 31kmpl
Ex-showroom Price – Cheng nuai 4.41 atangin a intan.

Pali-naah Renault Triber awmin panga-naah  Datsun thlan a ni bawk.