ZALEN August 29, 2025 : Ramri-a ruihhlo hmanga sumdawnna tihtawp tuma hma an lak naah Border Security Force (BSF) leh Narcotics Control Bureau (NCB), Aizawl ten Special Joint Operation an neihnaah methamphetamine mum nuai 9.6, Cheng vaibelchhe 144 man hua chhut chu an man tih vawiin BSF thuchhuak chuan a tarlang.

Operation hi thu an dawn bawhzuia lak niin, M&C hnuai BSF sipaite leh NCB Aizawl te chuan Serchhip-ah bungraw phur pakhat chu lo tidingin, he thil kaihhnawih-ah hian rinhlelh mi 3 an man a, drugs tawlhrukna atana hman Bolero pickup chu an man bawk a ni.

August 21, 2025 khan Border Security Force (BSF), Narcotics Control Bureau (NCB) Aizawl leh Excise & Narcotics Department, Mizoram chuan huhovin hma an la a, Aizawl-Champhai National Highway (NH-)-ah an lirthei rinhlelh pali chu an lo tiding a, hetah hian Meth mum 5,00,000 chu an lo man tawh bawk. Sahbawn bawma thun heroin engemaw zat an man bawk a, heng an thil man te hi cheng vaibelchhe 75 man niin chhut a ni.