ZALEN September 10, 2024 : Operations hrang hrang an kalpuinaah Custom Preventive Force, Champhai leh Assam Rifles te chuan Heroin No. 4, foreign cigarettes, beer leh Kuhva ro Cheng Vaibelchhe 1.64 man hu Champhai district, Mizoram-ah an kalpui a, September 9 &10, 2024 hian tum li operation hi an nei a ni.

Operation an neih hmasakberah Melbuk, Zokhawthar-ah plastic packet hnih Heroin No. 4 (gram 22) an man a, hei hi cheng 15,40,000/- man a chhut a ni a, he thil kaihhnawihah hian mi pakhat man a ni.

Chetlak vawi hnih naah Zotlang, Champhai-ah Kuhva ro bag 100 cheng Rs 56,00,000/- man an hmuchhuak leh bawk.

Melbuk-a a tum thumna atana an chetchhuah naah foreign cigarette case 5 leh foreign beer case 39 an man a, hemi tum hian Kuhva ro bags 6 an man tel bawk a, heng an thil man te hi cheng 9,82,550/- man hi September 9, 2024 khan an man a ni.

Oeration vawi li na hi Hnahlan, Champhai district ah vawiin September 10, 2024 khan neih leh a ni a, sahbawn case heroin No 4 (119 gram) an man a, hei hi Nuai 83.30 man hu a chhut niin mi pakhat man tel a ni.

Heng an thil man te leh a kaihhnawiha man te hi Police Station Zokhawthar leh Custom Preventive Force, Champhai, Mizoram hnenah September 9 leh 10, 2024 khan hmalak zel a nih theih nan an hlan.