ZALEN September 13, 2025 : Dan phal loha sumdawnna kaihhnawiha an thu dawn bawhzuia hma an laknaah nimin khan Assam Rifles te chuan World Bank Road–Vawkte Kai, Zokhawthar, Mizoram-ah Methamphetamine cheng vaibelchhe 7.11 chuang man an man.

Rinhlelh an neih avanga hma an laknaah Tiu lui an kan laiin rinhlelh mi pakhat bag ak chu an an hmu a, ani hian man nih hlauva a tlanchhiatna lamah a bag hi a thlauh a, he bag-ah hian hetiang zat ruihlo hi an man a ni.

Zokhawthar Police te hriatpuina-in he bag hi endik a nih hnuah Kg 2.372 a rit (tablet 20,200) Methamphetamine mum cheng vaibelchhe 7.11 man nia chhut chu an hmu a. Heng an thil man te hi Zokhawthar Police te kutah hlan nghal a ni.