ZALEN Nov 9, 2025 : Red Bull Aizawl Tlangruam buatsaihtu zing ami Yashwi- Arora chuan Mizo hnam lam - Cheraw tih bawrhban chungchangah MZP kaltlangin Mizo mipuite hnenah ngaihdam a dil.

Red Bull Aizawl Tlang Ruam 2025 (Urban Downhill Racing) Aizawl buatsaihah Mizo hnam lam - Cheraw- kaih-lek chu an pawm theih loh thu MZP bakah Art & Culture department, Mizo Cultural Organisation (MCO) leh Mizo Culture Artist te’n an lo sawi a. Hemi chungchangah hian MZP chuan a mawhphurtu zawn chhuah tuma hma la in a mawhphurtu ber Content- Creator pakhat Yashwi- Arora, Red Bull India Producer chu, Cheraw ti bawrhbang zawnga hmalatu a ni tih hriat chhuah a ni.

He a thiltih avang hian MZP chuan Mizo mipuite hmaah ngaihdam dil turin an phut a. Yashwi Arora hian Mizoram chhuahsan tawh mahse, lehkha ziakin Mizoram mipuite laka thupha a chawina hi MZP kaltlangin a rawn thawn nia thu dawn a ni.

#ZalenNews