Aizawl: Nimin khan Electric Veng YMA Hall, Aizawl-ah  Mizoram Chess Championship kharna hun neih a ni a. He hunah hian Jt.Secy Mizoram State Sport Council Lalrinfela chuan khuallian niin a hmanpui. Lalrinfela chuan naupang leh thalai ten Chess an tuipui chho zel chu lawmawm a tih thu a sawi a. An zirlai atan pawha rilru sawizawina tha tak a nih thu leh hmanraw tlawm tein International level thleng thei an nih thu a sawi a. Mizoram Sports Council pawhin an Ruby Jubillee lawmna kalzelah  inelna hrang hrang huaihawta, thalai leh naupang te ti phur zawng a Sports hrang hrang a buatsaih thin chuan tuina leh phurna a pe mek zel a ni, a ti. Mizoram Chess Championship neih ah hian District hrang hrang atangin Player 78 an te a. 10th Mizoram Senior Chess Championship (kum 50 chung lamah) BT.Romawia Bethlehem Vengthlang a champion a, Under 17 ah Lalrinmawia JL.High School niin, Under 13 ah Zodinpuia Reiek leh Under 9-ah Vanlalruatpuia Tuikual Veng te an champion a ni.