Leitlang Pictures kutchhuak 'Ambush' film chu zanin dar 8:00pm hian tlangzarh a ni dawn ta. Tlangzarhna hun hi Mizoram University Auditorium-ah hman a ni dawn a, premier show neih nghal a ni ang. 

Chhanchhani

He film-ah hian tun lai mipate star rawn Marilyn Chhanchhani chu a changtu nu ber a ni a, Zualtei role a play. Chhanchhani hian lemchan khawvelah sulhnu la nei lo mah se, en tichakawm bertu pakhat chu a ni chiang e. 

Ani bakah hian lemchan lama tawn hriat nei tha tawh tak tak an inlan dawn a, a hmuhnawm loh ring suh!

MNF film?

He film hi Mizoramin rambuai nasa tak a tawh behchhana siam a ni a, a hautak tur zia chu kan hrethiam mai awm e. Tlang hrang hrangah rambuai an tawh dan a inang lo fur a, chung thil thleng hrang hrang leh an tawrh dan lakkhawm atanga siam a ni. 

A siam nan hian Rs. 30,00,000/- zet sen ral a ni a, Mizo film awm tawh zingah budget sang ber a ni nghe nghe. He film hi kan hma lawka inthlanpui kan hmachhawn tur atana MNF campaign-na pakhat atana siam nia sawi a awm a, a dik reng em tih erawh hriat a ni lo. 

Show system

Movie application tha tak tak awm tawh mah se security a la tha tawk lo a, film leakout lo a awm bar tawh meuh lo zawk hial! Hei vang hian show system-ah bawk kir leh a ngai a, Ambush pawh hi veng leh khaw hrang hrangah show kalpui a ni ang. Lersia Play App lama an dah chhuah hun tur hi hriat a la ni lo bawk.