Aizawl August 29, 2024 : Vawiin dar 11 vel khan Chhangurkawn thlen hma, 28.8.2024-a leiminna chhak ah ruang chhar a ni a, hriat chian a nih hnuah Lalhmangaihi, Sihphir tih finfiah a ni.

Lalhmangaihi hi Luangmual-ah hian a u te an chen avangin an hnenah hian a awm thin a, tuna a ruang an hmuhna vel hnuhma atang hi chuan chesual ni ngeia an ngaih thu Luangmual YMA hruaitute chuan ZALEN an hrilh.

Ruang chharna hmunah hian police thleng nghalin forensic lamin a ruang hi an buaipui a, hemi hnu hian a u te In-ah hian a ruang hi luhpui zawk tur niin Aizawl Civil Hospital lamah a ruang hi postmortem a nih hnuah an khua Siphir panpui leh tur a ni.