Aizawl; Sawrkar Department zinga thawhchhuah nei tura ngaih zinga mi Transport Department leh Taxation Department te chuan 2013-14 inkarah chhiah chi 3 - Sales tax, lirthei chhiah, bungrua leh passenger chhiah awl ruk tum hmuhchhuah belh mahse chingfel lovin ‘pending’ tura tih an ni a. Transport hotute chuan hman atanga inhnawhkhawm tawh niin chinfelna tur software siamtir niin Zalen an hrilh. 2012-13 March closing-a a lan dan chuan case 59252 pending a awm a, 2013-14 chhungin chhiah awl ruk tum 3,291 an hmuhchhuah belh a. Kum hmasa lama case pending nena khai khawmin March 2014 ah case chinfel loh 59844 a hnutchhiah a, 2014-15 a hmalak danin Department 2 hnathawh dan a tichiang zawk ang.} Sales tax/VAT ah March 2013 closing a a lan danin case pending 458 a awm a, 2013-14 ah 545 hmuhchhuah niin a belhkhawm case 1003 atangin 466 chu chinfel a ni hman a, Nuai 677.42 hmuh a ni a, March 2014 closing ah pending case 504 hnutchhiah a ni bawk.| Bungrua leh passenger tax ah March 13 closing-in a tarlan dan chuan case 2000 hmalak loh a awm a, 2013-14 ah 454 chhiah awl ruk tum hmuhchhuah belh niin a vaia belhkhawm case 2454 a\angin chinfel pakhat mah a awm lo a, chhiah awl tum inchawi tir sum lut pawh awm lo niin Comptroller and Auditor General (CAG) chuan a report ah a tarlang bawk. Department pahnih ah hian Transport Deparment chuan chhiah 'pending' case a ngah zawka, Lirthei Chhiah chinfel loh 2012-13 ah case pending 5,6794 lai a nei a, 2013-14 a hmuhchhuah thar chu 2292 niin, a belh khawm chu 59086 ni a. 2013-14 a case 499 thar te nen a vai hian chhuizui a ni lo vek a, sum inchawi tir lut pawh a awm lo a ni.