ZALEN November 15, 2025: Chhingaveng Local Council hmalakna bawhzuiin Taxation dept in dan lova sumdawng te pawisa thahnem tak chawtir tawh a, tax leh penalty an chawi zat hian nuai 8 a chuang tawh.

Taxation dept ten Chhinga veng local council hnen atanga Report an hmuh bawhzuiin KC facepack building, Zonunsang building leh Shanghai bazar building a hnamdang sumdawng te kudam inspection an nei a, heng mi te hi GST registration nei lova wholesale business kalpui an nih bakah, Mizoram pawn atanga invoice mumal lova bungraw lalut an nih bawk avangin ; Mgst Act 2017 dan hnuaiah Sec 63 Assessement of Unregistered Business leh penalty hmangin sum thahnem tak chawitir anni a, an tax leh penalty pekzat belhkhawm chu nuaih 8 a chuang tawh a ni.

Taxation dept hotute te hnen atanga thudawn danin Sumdawng Gst register nei ngei tura ngaih neilo te chu local council te nen a remchan dan anga thawk dunin dap chhuah runpui kalpui zel an tum.