ZALEN October 23, 2025: Chhinga Veng Branch YMA Instagram page chu tukin zing khan mi tu tih hriat lohin an bei (hack) a, vanneihthlak takin a enkawltute’n hmu chhuakin an khawih pawi thui hmain an titawp hman a ni. He page hmanga message thawn chhuah lo dawng te an tih a ni lo tih lo hriatsak turin an ngen.

Chhinga Veng Branch YMA Instagram page-ah hian Branch YMA chet velna hrang hrang dah thin a ni a, a hack tumtute hian he page hming hian mimal message tam tham tak an thawn chhuak bawk a, hei hi lo dawng ve kan awm anih chuan Chhinga Veng Branch YMA thiltih a ni lo tih min hriatsak turin an ngen ni. 

Khawih buai tumtute hian VPN hmangin an log in-na location an thup a, amaherawhchu, he account access an neih theihna tur zawng zawng chhuichhuah a danchahsak nghal an ni. Tun hnaiah an Branch in ram leh hnam humhalhna kawngah hma an lak chhoh avangin hemi ti ṭhuanawp zawnga chet tum an awm anih rin a ni a. Chhinga Veng Branch YMA Media Sub-Committee te chuan theihtawpin a thlen nawn loh nan hma an la nghal a ni.