ZALEN October 18, 2025: Chhinga Veng Jt. NGO Co-ordination (Local Council, YMA, MUP leh MHIP) chuan vawiin khan an veng chhunga dan lo va sumdawngte dap chhuah hna an thawh chhunzawm a. He hunah hian Chhinga Veng chhunga dawr nei mi 3 dan lova sumdawng hmu chhuakin, October 2025 chhunga inching fel tur leh an dawr titawp tura hriattir an ni.

Hnam dang an ILP a inziak anga 'work purpose' ang ni lo va sumdawng te, Mizo hming hmanga hnam dang dawr lian tak neite hmuh chhuah thar leh niin, heng dan lo va zalen taka Chhinga Veng chhunga dawr hawng a, sumdawnna kalpuite hian Mizoram leh Mizo hnam pawi an khawih an ti a. Mizo sumdawngte vek tan a la pawi dawn chauh a ni tih hria in an dodal tlat a ni.

Hetianga dan lo va dawr an hawn theihna tura veng thenkhatin khua leh tui nihna dik lo taka an lo pek te pawh hmuhchhuah niin, hetiang thil a thleng hi pawi an ti tak zet a ni. Veng chhung mite, dawr leh in luah tur neite pawh dan dik thlapa Mizoram khua leh tui nihna nei te chauh dawr leh in luah tur thlang fimkhur turin an ngen nawn leh a. Heng dan lo va sumdawngte leh an thurualpuite hi Chhinga Veng Jt. NGO Coordination chuan uluk takin a enzui zel dawn a ni

Chhinga Veng Jt. NGO Coordination hian October ni 3, 2025 khan Chhinga Veng chhunga dan lo va sumdawngte dap chhuah hnatlang an lo kalpui tawh a ni.