ZALEN October 7, 2025: September ni 24-a Chhinga Veng Local Council House-a Health department hotute, Chhinga veng sub-centre-a thawktute leh NGO hruaitu aiawh te'n Joint Meeting neiin, veng chhunga dengue natna pai thosi um bo a nih theihnan hmalak an rel a ni.

September ni 30, 2025 atang khan dengue natna pai thosi um bo a nih theih nan hmalakna hmasa ber kalpui a ni a. Ni ruk chhungin veng chhungah damdawi chi hnih hmangin, hmun pawimawh lai hmun hrang hrang vawi hnih kah chhuah a ni. Dengue pai thosi tihrem tuma beihpui an thlakna chu nimin Thawhtanni khan neih zawh a ni.

Dengue natna pai thosi bona tura hmanraw pawimawh fogging machine chu AMC Ward No. IX viltu, Executive Corporator B. Lalawmpuii chuan buaipui sakin, fogging machine atana hman tur hrang hrang lei nan Rs 15,000 a hlan a ni.

Chhinga veng local council hruaitute chuan he beihpui thlaknaa Health department hnuaia bialtu, district leh state chungah lawmthu an sawi a. Dengue fogging machine kah chhung zawnga hian veng chhung mi, ei leh in lo pe a, lo tum sak \hin tute chungah lawmthu an sawi bawk.