Aizawl: Chhinga veng Presbyterian Kohhran chuan zuk leh hmuam nghei tum te tan hma a lak chhunzawm mek. Zuk leh hmuama Kohhran mipui te an fihlim zel theih nan Chhinga Veng Kohhran, Social Front Committee hian nikum April 2017 atang khan Health Deptt. hnuaia National Tobacco Control Programme nen tangdunin hma an la tan a. Zuk leh hmuam nghei tum ten an pan theih nan thla tin Inrinni hmasa ber ah Kohhran hall-ah a thlawna inentirna buatsaihin mithiam ten an thutchilh thin a ni. Nikum chhung khan kohhran mi 46 in he clinic hi an pan a, an zinga mi 11 in zuk leh hmuam an bansan a ni.