Aizawl; November ni 5-7,2014 a Hakha stadium, Myanmar a Chhinlung Fest neih tura kal tum Bangladesh palai leh Mizoram chhung ami te chuan nimin tlai khan Aizawl an thleng kim a, naktuk zing dar 5 ah a huhovin Vanapa Hall kawt atangin Myanmar an pan ang. Ruahman dan chuan Fest a kal turte hi nak zanah Farkawn an riak ang a, Thawhleh zingah Hakha an pan ang. Fest-a khuallian tura beisei Chief Minister Lal Thanhawla chu a remchang leh thei dawn lova, AH&Vety Minister C.Ngunlianchunga leh Lalrinliana Sailo, MLA te chu an tel dawn nia thudawn a ni. Chhinlung Cultural Fest ah hian Myanmar, India leh Bangladesh a Zo hnahthlak hnam hrang hrangte an tel dawn a, Bangladesh a Zo hnahthlak hnam peng hrang 6 aiawhte chuan Aizawl an lo thleng tawh a ni. Fest thupui atan hian 'Ram hian ri a nei a, hnam hian ri a nei lo' tih hman a ni ang.