ZALEN August 18, 2026: MNF National Executive Meeting chu vawiin khan Cultural Centre cum Auditorium, Vaivakawn-ah neih a ni a, he hun hi President Zoramthanga'n kaihruaiin resolution pathum an pass.

MNF National Executive Meeting chuan tunhnaia Chief Minister Lalduhoma'n Peace Accord leh ILP chungchang a sawi chu a dik lo a, zam aw takin thu a sawi hi Mizo hnam tan thil pawi tak a ni an ti. He a thusawi hi August ni 15, 2026 hma a sut tur leh zoram mipuite hmaa ngaihdam dil tura MNF Headquarters in a phutna pawh a ti chuang ta lova. Hemi bawhzuina thuah chuan a tul ang zelin MNF Headquarters in hma lo la zel sela tha an ti.

MNF sawrkar laia Sikul tam tak Upgrade tura a lo chhawp tawh ZPM sawrkarin dinhmun thalo leh chhe zawnga a kalpui chu thalo an ti a. Pathian leh Mipuite zara MNF in sawrkarna an chan leh veleh MNF sawrkarin an dinhmun alo upgrade tawh anga an awm chhunzawm ngei tha an ti.

Aizawl khawpui leh Zoram hmun dang zawngah an mipuite kaiharh turin Headquarters-in Campaign a hmalakna tur Programme rawn duang se an ti bawk.