ZALEN December 16, 2025: Mizo Students’ Union (MSU)General Headquarters hruaitute chuan Chief Minister Lalduhawma, Chief Minister chu a Pisa-ah an hmu a, casual teacher chungchang te college study tour bakah hnam dang hming sumdawng leh ILP chungchanga te an sawiho. 

MSU hruaitute chuan college study tour fund tihpun chungchanga an hmalak mek na te leh hnam dang mizo hming hawh a dawr kai te chungchang an sawipui a, hnam dang mizo hming hawh a sumdawng te chungchang an ngaih pawimawh thu leh ILP nei lo leh overstay te chungchangah pawh sawrkarin hma a lak mek thu CM hian a lo hrilh tih MSU thuchhuak chuan a tarlang.

MSU hruaitute chuan Chief Minister chu Casual Teacher te dinhmun(job security) chungchang te, Higher secondary school leh College zirtirtu nghet (direct recruitment) lak chungchang te, Mizoram Sawrkar registered School Grade System siam chungchangte leh Cess atanga Education sector in a chan tur chungchang te an sawipui bakah ni December 8-10, 2025-a Mizoram chhunga Dan lo a khaw din an zirchian chin report an pe bawk.

Chief Minister chuan MSU thu thlen te chu a ngaihpawimawh thu sawiin a theih anga bawhzui sak tur thu a sawi bakah sawrkar pawhin hma a lak thu a sawi. Dan lo a khaw din chungchanga MSU hmalakna chu tha a tih thu sawiin Cabinet Meeeting-in an ngaihtuah tur thu a sawi a, khaw sat thar an awma fimkhur a ngaihzia thu sawi.