ZALEN September 13, 2024 : Vawiin khan Congress Party chuan Congress Bhavan-ah ‘Friday Political Session’ an hmang a. He hunah hian MPCC President Lalthanzara chuan C. Lalpeksanga, MCS (Rtd) lawmluhna hun a hmang, Chief Minister zin haw reh lutuk chu mak a tih thu a sawi.

MPCC President chuan thu sawiin, "Kan hriat angin kan CM zahawm tak chu khawvela ram ropui ber USA ah a kal a. White House atang ten chawimawina a dawng ni awmin a lang a. Lengpui Airport a rawn tum hunah chuan an va hmuak ropui dawn em Zonu an tih te khan kan ti a. Mahse 'kan Chief Minister hi a rawn thleng tawh em?' tih ten kan inzawt he hu hlawm a, a mak ang reng hle in ka hria. A zin chhungin thu tamtak a zu sawi a, hei chu sawi loh atan a tha mang e, tih te a zu sawi leh nual bawk," a ti.

"ZPM hi an kal dan tur an sawi ang zawm chuang lo sawrkar leh party an ni hi mipuiten an rinna a tlahniam sawt hle a ni. Mi thenkhatin a lehpekah chuan Congress inni tawh ang min tih thinna chhan pawh hi, Congress party hian kan hun kal tawhah Pathian hruaina kan chang a, mipuite hnena kan tiam leh kan ti ang kan tih chu tihlawhtling thin a miin min ngaih vang a ni a, a lawmawm takzet a ni," a ti bawk.

Congress President chuan, "Vawiin ni ah hian ZPM ten a ruka an zawm, an sawrkar theihna chhan hi mipui ten hria se chuan an tawngtaisak nasa ngawt in ka ring. Vawiin ni a puanhnuaia ZPM ten an zawm party ai chuan langsar taka kan zawm Congress party hi India ram tan leh Mizoram tan hian an tha thlawt a ni," a ti.

"Kar hmasa a MNF te nena kan thawkho tawh dawnlo ti a ka sawi chu ZPM ten lo la vawngin Lai Autonomous District Council ah pawh kan thawk ho tawh dawnlo niin an sawi a, ka sawi zawk chu Sinlung Hills Development Council inthlanah kan thawkho dawnlo tih ka sawina a ni. Mizo takin Lai Autonomous District Council ah chuan tluang takin kan thawkho zel dawn a ni," a ti bawk.

An mi lawmluh chungchang sawiin, "Vawiin ni ah Pu C. Lalpeksanga te ang mi thiam, mi hmingtha in min zawm duh hi kan lawm a. Congress a zawm duh chhan a awm ngei ang a, kan lakah beisena a nei hi kan lawm a, kan hmalam hun a eng hle a ni. Kan party ah a thiamna te tangkai taka hmang tur in duhsakna ka hlan a ni." a ti.