Aizawl : Vawiin September ni 30, 2022 Mizo Hnam Run-a chhung inkhawmah Lalchhandama Ralte, Minister leh MNF Adviser ni bawk chuan, Chin Community of USA ten khawmpui an hmannaah, khawvel hmun hrang hranga Zofate tan Pa nih tlinga an hriat avangin khuallian atan Mizoram Chief Minister an sawm tih a sawi a, rokhawlna avangin a aiawha kal a nih thu a sawi. 

MNF Adviser chuan, "MNF hi a dintirh atangin a thuthlungah a la ding reng a. Khawvel hmun hrang hranga Zofate tan a ding zel dawn a ni," tiin, "Chin Community of USA ten khawmpui an hmannaah, khawvel hmun hrang hranga Zofate tan Pa nih tlinga an hriat avangin khuallian atan Mizoram Chief Minister an sawm a, rokhawlhna avangin a aiawha a kal thu a sawi. America rama Zofate chu Mizoram sawrkar leh mipuite chungah, Myanmar rambuai avanga raltlante kan dawnsawn leh tuamhlawm danah thinlung takin an lawm a. Chief Minister-in raltlante thlavang na taka a hauh vangin, MNF chungah an lawm hle a ni," a ti. 

Chin Community of USA ten khawmpui an hmannaa a kal chungchang report leh Ram leh Hnam tana kawng hrang hranga hma a lakna te a sawi. MNF Adviser hian US sawrkar hotute hnenah raltlante hamthatna tur kawng hrang hranga hma a lak thu te,  Myanmar raltlan te tana sawrkar leh mipui hmalakna chu USA hruaitute pawhin an lo hriat thu a sawi a. America mipui leh thalai ten darkar bi a hna an thawk chu tha a tih thu leh kan ramah kalpui ve theih atan tha a tih thu a sawi a. Party mipuite chu eng hna pawh thawk ila, kuttling leh rintlaka thawk turin a chah bawk. 

Education Minister chuan, raltlan naupang sikul kal rual thahnem tak tan a thlawnin sawrkar sikulah uniform leh zirlaibu te pek vek an ni, a ti a. Tha takin zirna an dawng a, matric exam hmabak te tan pawh ruahmanna siamsak an nih thu leh mi 28 lai an passed tawh, a ti. "Kan ram education-in hmalam a pan zel a, mipuite sawrkarah rinna an nghah avangin sawrkar sikula lut an pung zel a, Samagra hnuaia hnathawk te hlawh tihpun a ni ta chuan chhungkaw tam tak te sawrkar chungah an lawm hle a ni," a ti bawk.