ZALEN Feb 3, 2026: Tv. Philip Lalfakzuala (39), Khumtung, thla liam ta January ni 31 atanga chin hriat loha bo chu nimin khan thi in hmuh a ni.

Thudawnna in a tarlan danin, Tv. Philip Lalfakzuala S/o Lalramlawma hi, kar kalta Inrinni zan khan chaw eikhamah leng turin a chhuak a, a chin hriat lohin a bo zui a. 

A chhung ten an hmuh mai loh avangin khawtlang hruaitute an pun a, nimin khan khawtlang huapa zawn a ni a, chawhnu dar 1:30 vel khan khua atanga metre 300 vela hla, kawngthlang leivung paihnaah thiin an hmu a, a ruang awmna hi kawng atanga metre 100 vel a ni a, leivungin a lo chhilh deuh a, a taksaah hliam nasa tak a awm lo va, a bek dinglam mit ko sir, inches 2 velah kak hmun hnih ah a awm a, a taksa hliam belkang tlem a awm bawk. A thih chhan tak hriat ni lo mahse parapet atanga tla niin rin a ni a, a insawhna hliam tuar lovin a thi nia rin a ni.

Nizan khan an chenna in ah tlaivarpui niin, vawiin chhun dar 12 khan vui a ni.

#ZalenNews