Aizawl: Vawiin Earth Day 2018 lo thleng tur denchhen in Mizoram Environmental Information System (ENVIS) Hub leh Save Chite Lui Co-ordination Committee tangkawpte chuan Zirtawpni khan Aizawl khawpui chhunga Eco Club thlan chhuah bikte nen Chite luia plastic bawlhhlawhte chharkhawmin an hnatlang. Hnatlanga thawkchhuakte hi mi 80 vel an ni a, school thlanchhuah bik 9 Govt. Kanan HS, Govt. Dinthar HS, Govt. KM HSS, Govt. Vaivakawn HS, Govt. Chawnpui HS, Govt. Bawngkawn HS, Govt. Chaltlang HS, Rosebud School leh St. Stephen HS bakah Govt. J. Thankima College te an tel a ni. Mizoram ENVIS Hub Co-ordinator Dr.Lalramnghaki Pachuau chuan plastic paih mai maiin, ram a tihchhiat nasat theihzia leh hal a nih pawha boruak a tihbawlhhlawh nasatzia a sawi a, plastic lam chi reng reng hman fimkhur a tul thu a sawi bawk.