American actor Chris Evans leh a bialnu Portuguese actress Alba Baptista te chu an inhual niin media hrang hrang ten an tarlang. An inhual thu hi wedding planner pakhatin Instagram-a Alba Baptista a follow atangin a rawn irh chhuak a, Chris leh Alba te hi an inhual ngei niin an ngai ta a ni. 

Kum 41 mi Chris Evans leh Alba Baptista (25) te inkar hi kum tir lam atang khan a darh tan a, an inzui ualau lo hle thung. An chanchin hi social media lamah pawh hmuh tur a tam lo a, mahse an inkar hi an la thu tak chho viau a nih hmel. Report thenkhatah chuan New England-ah in benbel tumin chenna-in an ngaihtuah dun niin an sawi a, innei mai tur anga sawi an awm bawk.