Mizo movie streaming platform Bawmrang TV ten Christian Film Competition an buatsaih chu tel theih hun chhung pawh sei a ni a, November thla thleng hun hawn a ni. He competition-a tel tum lockdown leh chhan dang avanga zo hman ve ta lo te tan hun hi pawh sei a ni a, tithar duh tan pawh hun a la awm e - November 30, 2022 thleng theh luh theih a ni. 

Bawmrang TV Christian film competition-ah hian lawmman tha tawk tak a awm dawn a, top 3 te bakah midang panga tan consolation prize siam a ni. Pakhatna hian Rs. 1,00,000 (nuai khat) bakah BMPCC 6k camera a dawng dawn a, pahnihna leh pathumna ten Rs. 70,000 + Iphone 11 leh Rs. 50,000 + Iphone 11 te an dawng dawn a ni. Mi pang ten consolation prize Rs. 5,000 theuh an dawng bawk ang. 

He competition hi Christian film tha tak tak a lo chhuah theih nan leh film maker tha tak tak an lo chhuah belh zel theih nana buatsaih a ni a, visual bakah, audio, directing leh story te ngaihpawimawh a ni dawn. Kohhran, pawl leh mimal tihhming chhiat theihna lam erawh tarlan phal a ni lo. 

Film hi minute 50 aia tawi lo a ni tur a ni a, hre chiang duh tan 961261288 leh 9862658900 ahte zawhfiah theih a ni - Bawmrang TV website (bawmrangtv.com/competition) ah hriat tur pawimawh tarlan a ni bawk.