Aizawl; Zirtawpni khan Chungtlang khua chuan khawtlang huapa Lo zawh runpui an nei a, he hun hi bialtu MLA, Lalrobiaka ZIDCo Chairman chuan a hmanpui a, loneitu mi chhumchhiate leh kuthnathawktute hnungah sorkar chu a ding zel dawn tih a sawi. Hetiang khawtlang huap lo zawh runpui hi Chungtlang khua hian kum dangah tepawh an lo hmang thin a, kumdanga an tih thin angin Buh leh bal ah te malsawmna tam tak an dawn naah leh mihring chhiattheihna lakah tluang taka hruaitu Pathian hnenah lawm thu sawina leh inhlanna hunserh an hmang a ni. Chungtlang VCP chuan an khua chu Loneimi deuh vek an nih thu a sawi a, an bialtu MLA in kuthnathawka eizawng mi a hmun ngeia an thlai tharte a hmuhsaka an tlakbalna laite a hmuh sak chu lawmawm a tih thu a sawi.