July 22, 2022; Vawiin khan Chief Information Commissioner Lalnunmawia Chuaungo chuan Administrative Training Institute (ATI) siam RTI Helpline a tlangzarh.

Hen huna peport petu K. Lalkroschhuanga, RTI Nodal Officer tarlan danin Ministry of Personnel, Public Grievances and Pensions, Government of India atangin project pakhat Improving transparency and accountability in Government through effective implementation of RTI Act hnuaiah cheng nuai 30.48 dawn a ni a, kawng hrang hranga hmalakna tur zinga pakhat chu Helpline siam a ni a, he helpline viltu tur hi thawktu lak a ni tawh bawk.

Hmalakna tur hmachhawp zingah Media Workshop neih te, District hrang hranga training neih te, online certificate Course kalpui te, SPIO leh AAP tana training neih te a tel a ni.

RTI Helpline hi mi tupawhin RTI Dan (RTI act leh rules) hman chung changa harsatna a neihte a thlenna tur a ni a, vawiina CIC in a tlangzarh tak te chu-

Phone (toll Free) - 1800-8893-218

Whatsapp - 9863346173
Facebook - RTI Mizoram
Instagram - RTI Helpline, Mizoram
Twitter - RTI Helpline, Mizoram

Phone call leh Whataspp call hi office hun chhunga hman tur a ni ang a, a dang zawng hi chu engtik lai pawhin hman theih a ni ang.