ZALEN June 18, 2024; Myanmar sipaite'n Run lei an bomb chhiat nghawng kal zel-ah Mizoram ah Myanmar bungrua a vang chho a, a to chho mek, chung zingah chuan khaw chhak atanga cigeratte lut, V/Far Star cigeratte etc, te pawh a to hle tawh.

Tarlan tawh angin, June ni 8, 2024 khan Myanmar sipaite’n Tahan khawpui leh Zokhawthar insumdawnna kawngpui a Run lei chu an bomb chhia a ni.

Zokhawthar khawtlang hruaitute sawi danin Myanmar sipaite’n Tahan, Tedim leh Zokhawthar inkara Run lui chunga lei dawh an bomb chhiat avangin helai kawngah hian bungrua phurh tlang theih a ni lova. Kawng hla zawk Falam lam atangin bungrua a lo thleng tawh tho na-in a lo thlen har avang leh a phurh man a to avangin eichawp leh in tur lam chite bakah electronic bungruate chu a man a sang hle.

Bungraw man to zingah hian Mizoram tualchhung miten an zuk tam cigeratte hrang hrang man te pawh a to chak hle a, lei tihchhiat a nih hma a V cigeratte carton khat Rs. 400 bawr vela dawrkai ten an lak theih thin chu tunah chuan Rs. 600 bawr vel a tling tawh.