Cindy Lalparmawii chuan Asmita Khelo India Youth, Junior leh Senior Women’s League Zone A neih mekah silver leh bronze medal a la.

Nilaini atanga Bhubaneswar, Odisha-ah inelnaah hian Inrinni khan Kolasib Saidan nula hian kg 76 huanga Women Youth-ah a vaia klg 118 (snatch-ah kg 53 leh clean & jerk-ah kg 65) chawiin silver medal a la a. Junior-ah kg 118 (snatch-ah kg 55 leh clean & jerk-ah kg 70)-a rit chawiin bronze medal a la bawk.

Cindy-i hi Khelo India State Centre of Excellence (KISCE), Sports & Youth Services, Rajiv Gandhi Stadium hostel-a awm lai niin coach Malsawma Khiangte hnuaia zirlai a ni.““

Pathianni hian Zosangzuali’n +81kg huangah a chawi ve dawn a, ani chungah pawh hian beiseina sang tak neiin, “Medal kan la beisei,” tiin coach Malsawma chuan a sawi.

Asmita Khelo India Youth, Junior leh Senior Women's League Zone A-ah hian Mizoram atangin ritchawi chak pali an kal a, coach Malsawma leh Malsawmtluangi, Masseuse, KISCE ten an hruai.

Khelo India hnuaiah hian Zone A hi khawchhak lam state 13 - West Bengal, Jharkhand, Bihar, Chhatisgarh, Odisha leh hmarchhak state pariat an awm a ni.