Aizawl: Zirtawpni chawhnu dar khat khan Falkland venga DM Theatre chu Mizoram Journalist Association President, Vanlalrema Vantawl in a hawng. Hawnna inkhawmah hian khuallian Vanlalrema Vantawl chuan thu sawiin thalaiten intihhlimna hmun leh entertainment an tlakchham viau laiin an rilru a harhvan tho avangin mi tam tak chu thil tha lo lamah an peng thin niin a sawi a. Thianghlim taka ennawm thlirna tur cinema hall siam thar a ni chu hmasawnna a ni lo thei lo tih sawiin a hmangtu mipuiten kan hmanthiam a pawimawh niin a sawi bawk. Chhungkaw hun bik hmang duh tan pawh hmun tha tak a nih thu khuallian chuan a sawi a. Thil chhia ni loin thil tha lo chhuahna hmun ni se a duh thu  a sawi bawk. Khuallian Vanlalrema Vantawl chuan thalaiten state dang neih ang an awh em em thil dang hrang hrang pawh rawn siam chho zel turin mi neinungte chu a sawm thu a sawi bawk. Hawnna inkhawm neih zawhah hian ‘Movie show’ neih nghal a ni bawk. DM Theatre hi mi 140 thut theihna tura duan a ni.&&&&&&