Parliament thutkhawmah Cinematograph Act, 1952 siamthatna, Cinematograph (Amendment) Bill, 2023 chu pawm a ni ta a, dan bawhchhetute lakah hremna na zawk lekkawh theih a ni dawn ta. Mi film siam record emaw chhuah ruksak thinte chu he dan hmang hian hremna pek theih an ni a, thla 3 atanga kum 3 thleng lungin tan tir theih an nih bakah, Rs. 3 lakhs thleng chawi tir theih an ni ang!

Cinematograph (Amendment) Bill, 2023 hi Rajya Sabha-in a pawm hnuah, Lok Sabha thukhawm chuan a pawm ve leh ta a ni. He bill hian Cinematograph Act, 1952 hnuaia Central Board of Film Certification-in kum 10 chhung atana certificate a pekchhuah thin chu siam thain, bill siamthat hmang certificate dam chhung chuan tiam chin a nei tawh dawn lo a ni. Film siam chhuah zinga A emaw S emaw certificate neite chuan a hranpaa chhuah phalna an lak a ngai dawn a ni. 

Mizoramah pawh film leak-out vangin film siamtu ten harsatna nasa tak an tawk a, he dan hi pass a nih tak avangin mipuite pawh fimkhur leh zual a ngai tawh dawn a ni.