ZALEN Oct 10, 2024; Oil man sang leh kawng chhia vanga MCVU in lungawi loh lantir an tum chu ACBOA leh MMCOA ten an thlawp a, City bus leh Maxi Cab tlantir loh an tum...

Aizawl City Bus Owners' Association (ACBOA) chuan thuchhuah siamin, Mizoram Commercial Vehicle Union (MCVU)- in oil man sang leh kawng chhia avanga October ni 14, 2024 atanga lungawi lohna lantir an tum chu thlawpin, an bus te an tlantir dawn lo tih an tarlang.

ACBOA chuan, 'MCVU in oil man sang lutuk leh Mizoram kawngchhe lutuk avanga lungawi lohna a lantir tur chu kan thlawp tlat a, ni 14 atangin tiam chin awm lo in City, ZMC leh side hrang hrang leh institution hrang hrang, MZU, NIT, GAC, GCS etc. leh private institution-in an hman zawng zawng, city bus te che chhuak miah lo turin kan inhriattir,' an ti.

Mizoram Maxi Cab Owners' Association (MMCOA) pawhin, Mizoram chhunga Maxi Cab neitu leh driver zawng zawngte tumah tlan chhuak lo turin an inhriattir bawk a, tlanlui an awm a, an chungah thil tha lo a thleng a nih chuan MMCOA in mawh a phur lo ang, tiin an tarlang bawk.