October 18, 2023; Central KṬP chuan Synod Choir a lo tel tawh zawng zawngte tan 'ZAIPAWLPUI' a din dawn a, hruaitu turte pawh a ruat fel tawh.

Hemi chungchangah hian Central KṬP chuan KṬP General Conference Diamond Jubilee pualin, Synod Choir member ni tawh zawng zawng Zaipawlpui neih tur a ni tih a tarlang a, convener ah Upa Vanlalhruaia, Mission Vengthlang leh conductor atan Upa C. Vanlalvuana, Chanmari ruat a ni tih a tarlang bawk.

Tun thla October ni 31, 2023 zan dar 7 ah, Khatla Kohhran ah inhmuhkhawm hun a bituk tih tarlang bawkin, he hunah hian Synod Choir-a lo tel tawh zawng zawngte lo tel ngei turin an sawm.

Mizoram Synod Choir hi Mizoram a zaipawl ngaihhlut hlawh berte zing ami an ni a, tun hma atangin Mizoram pum huap hla lar tak tak sak chhuah an lo nei fo tawh ṭhin a ni.