Aizawl; MNF party chuan central lam politics inlumletah BJP leh a thawhpuiten hnehna sang tak nena sorkarna an chan chungchangah Chief Minister Lal Thanhawla, MPCC President ni bawk chu May ni 23, 2014-a Congress Bhavan-a a thusawi atangin a thlaphang nia an ngaih thu an sawi. MPCC President-in Congress sorkar a nghin loh thu leh chutiang zâwnga ngaihtuahna pawh a la awm loh thu sawi chu mak an tih thu sawiin, central sorkarah an hotute an tlak avanga Mizoram lama congress mipuite hnemna leh thlamuanna thuchah atan chuan a sawi holam kan ti hle a ni, an ti a. MNF thu chhuah chuan, ZNP-te tinzawna 'Budget vawi khatmah pawh la siam ve lo party' ti zawnga a sawi chu indeusawhna nia an ngaih thu sawiin, "Mipui sum hmanga Minister/Parliamentary Secretary-te motor thar lei a thlakhlelhzia tifiahtu lekah kan ngai," an ti bawk a. Kum 2009-a cheng nuai 360 vel senga Chief Minister, Minister leh Parliamentary Secretary te motor kawl tur an lei thu te, Bolero car 53 zet an lei duhna thinlung atanga teh phei chuan 'Nuam tâwl sorkar” tih loh theih an ni lo a ni, an ti bawk. MNF thuchhuah chuan, ZNP-te tinzawna 'Budget vawi khatmah pawh la siam ve lo party' ti zawnga a sawi chu indeusawhna nia an ngaih thu sawiin, "Mipui sum hmanga Minister/Parliamentary Secretary-te motor thar lei a thlakhlelhzia tifiahtu lekah kan ngai," a ti a. Kum 2009-a cheng nuai 360 vel senga Chief Minister, Minister leh Parliamentary Secretary te motor kawl tur an lei thu te, NLUP an kalpui dawn dêk dêka, Bolero car 53 zet an lei duhna thinlung atanga teh phei chuan 'Nuam tâwl sorkar” tih loh theih an ni lo a ni, an ti bawk. Narendra Modi chu Media te pawh hmachhawn ngam lo tia nasa taka central lama an hotute nena an beihrawn hnu-ah BJP-in hnenhna sang tak a chan hnu a, PM atan state Chief Minister ni tawh nise, state CM tum thum ngawt lo ni tawh PM chu India ram pumpuiin a thatpui ang, tia a sawi chu UPA sorkara Prime Minister Manmohan Singh deusawhzia tichiangtu a ni thei a ni, an ti. MP atan CL Ruala thlantlin a nih chungchanga khawpui mi hausate aiin, thingtlang miretheite vote hmu tha nia Lal Thanhawla'n a sawi duh chu mak an tih thu te, Aizawl khawpui leh District capital hrang hrangah mi rethei, mi inhnuai luaha nitin eichawp zawnga khawsa hram hram an tamzia a hriat loh vang leh a belhchian peih lohzia tilangtu a nih thu te sawiin, hausa teh nan eng bûk lung nge a khai tih Chief Minister Lal Thanhawla an zawt tih MNF party thuchhuah chuan a tarlang bawk.