ZALEN June 26, 2024; Chief minister Lalduhoma'n an sawrkarna hnuaia hlimhlawp siamna lam tlem se a duh tih sawiin, midang behchhan a engemaw organise thin pawh tha a tih loh thu a sawi.

International Day Against Drug Abuse & Illicit Trafficking, 2024 chu vawiin khan Vanapa Hall ah hman a ni a. Lalduhoma, chief minister chuan he hun hi hmanpuiin, Mizoram mipui zawng zawngte chu ruihhlo leh dan lova ruihhlo phurh dona hna thawhpuiah a sawm a ni. 

Chief minister chuan an sawrkarna hnuaiah hlimhlawp siamna lam tlem se a duh tih sawiin, "Huau huau hi kan lawm lutuk a, kan chhuak zing lutuk a, production awm si lo, tih dawn a piang a vehbur khawnin, mahni a pawisa nei si loin thil engemaw tih kan tum a, kan tlin a kan ti thei a nih chuan tih mai tur, miin harsa taka an pawisa dehchhuah sa dil chawp a thil engemaw organise chin hi thil zahthlak tak a ni," a ti.

Tunlaiah chuan ruihhlo in a tihbuai, chhawr thlak loh an awm mai tih sawi bawkin, kohhran thalai a tel te chu a chhawr tlak an ni tih a sawi. "Anni lah an buai lutuk a, an chhawr tlak bawk si loh a, kan comittee a ngai, kan haw hma a ngai an ti a, chutiang mi chu dawr nghakah pawh an duh mang tawh lo a ni, a tha lo te an chawr tlak bawk si loh, a tha te an chhawr tlak bawk si loh, inngaihtuah deuh chu kan ngai, a ti bawk.

Mi tih ang pangngai tih hi a harlo a, mi pangngai nih hi a harlo, kohhran leh khawtlang a inhmante hi pawnlam lan dan mai mai kan ti a, a langah pawh tha thei lo ho hi a ni an ruang kan chhar thin ni, khawtlangin mi pangngai a an ngaih hi an pangngai mai a, a mawi hawih pawh dawn pha tawh lo hi damrei lo an ni zel a ni, hausenna nen ruihhlo hi do ila, ruihhlo tih hi dawihzep vang a ni, tiin a sawi bawk.