Aizawl;Nimin khan Chief Minister Lal Thanhawla chuan Thenzawla Mizoram sawrkar hmalakna leh hmachhawp awm mek te a tlawh. Chief Minister hian Thenzawl Venghlun huamchhunga Auditorium sak tumna a tlawh a, helai hmunah hian cheng vaibelchhe 8 sengin auditorium changtlung tak, mi 850 leh theihna tur sak tum a ni a. Building hi 2215 sq.m a lianin basement, ground floor bakah chhawng khata sak tum a ni a. Hei bakah hian Venghlun VC ten hall sak an tumna hmun a en bawk. Chief Minister hian khum 50 awmna tur, Ayush hospital sak mek a tlawh bawk a, hnathawh kallai mek chu tha thawkhata a hriat thu leh damdawiin chu a rin aia a len thu a sawi. Ayush hospital hi chhawng thum tura ruahman a niin vbc. 6.51 senna tur a ni a, January ni 15,2013 khan a sak hna hi tan niin February 2015 a zawh tur a ni a, he hna enkawltu PWD lam chuan 60% vel thawk zo tawh ah an inngai a, mahse zawh huna ruat ah chuan an zawh theih an beisei lo tih an sawi. CM hi LAD Minister PC Lalthan-liana, Health Minister Lal Thanzara, Parliamentary Secretary Joseph Lalhimpuia, ZOHANDCO Chairman MLA R.Vanlalvena te’n an tawiawm a, nimin vek khan Aizawl an let leh a ni.­