ZALEN June 18, 2026 :Vawiin khan Chief Minister Lalduhoma'n Assistance to State & UTs for Modernisation of Police Scheme (ASUMP) atanga lei lirthei chi hrang hrang 219 chu 3rd Battalion MAP Parade Ground, Mualpuiah a vailiam.

Lirtheite hi Mizorama Police Station zawng zawng (P/S 44)-in a thar pakhat tal an dawng dawn a, outpost 15, battalion-te, specialised unit-te leh PTS-te pawhin an dawng bawk ang.

CM chuan ASUMP atanga fund hmuh zawng zawng chu state share-te nen Vbc 44.53 niin vbc. 30.45 hi lirthei lei nan hman a ni a, a dang chu hmanraw thar dang lei nan hman a nih thu sawiin, Lirtheite duat taka enkawl tura chahin, a thar lei leh hi a harsa a, vawiina kan dawnte hi hun rei tak hman theih kan tum dawn nia a ti.

Home Minister K. Sapdanga pawhin thusawiin, Mizoram police-te thawhrimnaah lawmthu a sawi a, lirthei tharin an nitin hnaah awlsamna tam tak a thlen a beisei a. Kan police te thuam chak hi kan ram himna thuam chakna leh khawtlang nuam neihna a ni tih kan hria a, thuam chak zel kan tum a ni a ti.