ZALEN May 31, 2026: Mizoram tlawha lo zin, Union Minister of Power, Housing & Urban Affairs Manohar Lal Khattar leh Chief Minister Lalduhoma te chu Zirtawpni tlai khan CM bangla-ah an inkawm a, power lama Mizoram hmasawnna tur leh Thenzawl Peace City chungchangte an sawidun.

Chief minister hian New Delhi-a a lo sawipui tawh thin, Darzo lui pump storage project chungchang te, Mizoramin power evacuation line a mamawh belh dan te, RDSS hnuaia hmalak mek te, rooftop solar installation lama hmalakna te a sawipui a. A enkawl ministry hnuaia 10% GBS hmanga Mizorama hmalakna kalpui turin a lo ngen bawk.

Chief ninister hian MoHUA atanga Thenzawl Peace City dinna tur bultanna master plan thawhna tur a pek avangin lawmthu a hrilh bakah tluang taka hmalakna a kal thu a lo hrilh bawk.

Union Minister Lal-a hian chief minister thil thlente hi a theih anga a lo bawhzui tur thu a sawi a ni.

Chief minister hi Power Minister F. Rodingliana’n a tawiawm a ni.