ZALEN May 29, 2024 : Vawiin khan pawl panga te chuan Chef Minister Relief Fund atana Chief Minister hnenah pawisa an chhung lut a, nikhat chhunga an sum chhunlut hi ₹ 1,45,000 a tling a ni.

Mizoram Civil Service Association chuan tun tum cyclone chhiatna denchhen hian ₹ 50,000 CM’s Relief Fund ah an chhung lut a. MCSA hian a hma in CM’s Relief Fund ah ₹ 1,00,000 an lo chhung lut tawh a ni. Chief Minister hian lawmthu a lo hrilh ani.

Special Educator Association ten vawiin khan Chief Minister Relief Fund atan ₹ 5000 an chhunglut. Chief Minister hian lawmthu a lo hrilh a, Relief Fund hi kan sem chhuak nasa hle a, kan hmang tangkai hle thin a ni, a ti. Special Educator te hi zirna ina pianphunga harsatna nei naupang te zirtirtu tura Samagra Shiksa hnuaia lak te an ni. Relief Fund an chhunluh rual hian an harsatna te pawh Chief Minister hnenah hian an thlen nghal a ni.

Chase Academy, Vaivakawn te chuan vawiin khan Chief Minister Pu Lalduhoma hnenah Chief Minister Relief Fund ₹ 50000 an hlan. Chief Minister hian lawmthu a lo hrilh a, Chase Academy kal zelna turah duhsakna a hlan a ni.

Mizoram Government School Teacher's Union (MIGOSTU) pawhin Chief Minister's Relief Fund atan ₹ 30000 an chhunglut. MIGOSTU chuan an tihtheih tam lo mah, se sawrkar tha tihchak nan kan theih ang tawk an pawl sum an chhunglut a ni, an ti.

Central Bank of India, Aizawl Branch te chuan vawiin khan Chief Minister Lalduhoma hnenah CM Relief Fund atan Rs. 10000 an hlan bawk.