ZALEN October 19, 2024 : Vawiin khan Art & Culture Department leh Central YMA te tangkawpin an buatsaih Chief Minister's Running Trophy vawi 13 na - Hnam Lam Intihsiak kharna, Dawrpui Multipurpose Centre-ah buatsaih a ni a. Chanmari West chu pakhatna an ni.

He intihsiakna kharnaah hian Chief Minister Lalduhoma chuan khuallian niin a telpui a, Art & Culture Minister C. Lalsawivunga, chu khualzahawm a ni. Kumin intihsiaknaah hian Branch YMA 42 ten Khuallam leh Cheraw-ah te inelna neih a ni. Chief Minister Running Trophy-ah hian Pakhatna Chanmari West Branch YMA leh pahnihna Vaivakawn Branch YMA te an ni.

Cheraw-ah hian pakhatna Chanmari West Branch YMA, pahnihna Lamka Branch YMA leh pathumna Ramthar Branch YMA.

Khuallam-ah - pakhatna Vaivakawn Branch YMA, pahnihna Chanmari West Branch YMA leh pathumna Pawlrang Branch YMA an ni.