August 5, 2023; Indegenous Tribal Leaders' Forum (ITLF) buatsaih, buaina nasa zawk leh nunna tam tak chan belh theihna boruak, Haolai Khopi, S. Bualjang/Torbung hmun a hnam tana martar te vuina hun hman tum chu chief minister Zoramthanga ngenna anga thulh niin, hemi chungchangah hian Union Home Ministry pawh an lawm hle.

Vawiin Aizawl press club a thuthar thehdarhtute an kawmna a he thu hi sawi niin, MNF publicity department GS VL Krosshnehzova chuan, ITLF te thil tum CM Zoramthanga ngenna anga thulh a nih tak a vang hian Union Home Ministry mai bakah Assam CM Himanta Biswa Sarma pawhin, August ni 3, 2023 zing dar 8:30 khan CM Zoramthanga bia in lawmthu a rawn hrilh tih a sawi.

Thuthar thehdarhtute hnenah MNF hruaitute chuan, hnam tana ding ngam, ram, hnam leh sakhaw thil a dinna sawh sawn mai mai ngai lo, ram leh hnam thatna tura principle nghet tak neitu CM kan nei hi lawmawm kan tiin, kan chhuang tak zet a ni," tiin, Zoram leh Zofate kan insingsak mek lai hian hnam aiawha ding chhunzawm zel turin Pu Zoramthanga hi a tha ber," an ti bawk.