December 4, 2023; Chief minister leh MNF president ni bawk Zoramthanga'n mipui ah sawrkar lai paihthlak duhna lian lutuk chu an tlin loh chhan niin a sawi.

Vawiin tlai dar 4 khan Zoramthanga hian chief minister atanga banna Mizoram Larsap hnenah a thehlut a,hemi zawha thuthar thehdarhtute zawhna chhangin, Covid harsatna lian lutuk karah sawrkar lai duhkhawp lohna lian tak awm chu an tlak chhan pui ber a ni tih a sawi a, Covid vanga harsatna hrang hrang sawrkar in a tawhte chu mipui ah an sawifiah hman lo niin a sawi.

Thuthar thehdarhtute zawhna chhangin Zoramthanga chuan, inthlanah an lo tla fo tawh tih sawiin, a chang a an tlin thu te, a chang a an tlak thute a sawi a, chungah chuan a hma aia chakin an tho chhuak leh thin niin a sawi. Tun a an tlin zawh loh chungchangah pawh amah leh an party ah engmah nghawng a neih loh tur thu a sawi.