DOWNLOAD OUR APP

Read latest news on your phone
app-store

Coaching a kal tur Sponsor

Mar 13, 2022

Sawrkarin All India Service leh Central Service-a tlin duh vanga coaching a mi a tirh leh tuna MZP in coaching kal tura mi a tirh dan erawh a ki a dang hle. Sawrkar kha chuan pawisa awmsa hmangin zirlai te kha a tir a, MZP erawh chuan vehbur khawnin a tir dawn thung a, zirlai an tirh tur te tan pawh mawhphurhna a sang leh zual dawn a tih theih ang.

Mizo zirlai pawl chuan tun hnai khan hun rei tak atanga an lo rel tawh angin thu an ti tlu a, New Delhi-a coaching centre tha ber zingami Vajiram & Ravi Coaching Centre N. Delhi-ah zirlai pathum coaching kal tur an tir dawn a, an thil tum hi an pawl nihna nen pawh a inhmeh khawp mai, mi kuta thui tak innghat tur an ni chungin hetianga risk an la ngam hi an fakawm khawp mai.

Mizoram Youth Commission (MYC) chuan tun hnai khan Zirlai 20 chuang ngawt New Delhi a coaching centre-ah mi a tir a, mahse, tun thleng hi chuan All India Service leh Central Service lam inziaktling kan la hre lo a, chutihrualin an thil tumna hrim hrim kha a hlu a, sawrkarin sawrkar inrelbawlna a officer tha zawk chherchhuak tura hma a la kha an fakawm a, rah tha tak chhuah hun pawh a la neih ngei a rinawm a, khang zirlai an tirh te tan pawh khan chona nasa tak a pek ngei a rinawm. Tum khatnaah hlawhtling nghal lo mah i la he hmalakna hian hlawhtling hun a la neih ngei beisei ang.

Sawrkarin All India Service leh Central Service-a tlin duh vanga coaching a mi a tirh leh tuna MZP in coaching kal tura mi a tirh dan erawh a ki a dang hle. Sawrkar kha chuan pawisa awmsa hmangin zirlai te kha a tir a, MZP erawh chuan vehbur khawnin a tir dawn thung a, zirlai an tirh tur te tan pawh mawhphurhna a sang leh zual dawn a tih theih ang. Zirlai an tirh tur tan pawh theihna zawng zawng piahlama tan a ngai lo thei lo dawn a ni. An zirlai pathum te kum hnih chhung senso tur hi cheng nuai 20 vel turin an chhut.

Hetihrual hian MZP thil tih hian mi tam takin he pawl an lo ngaihdan thin pawh a thlak phah ngei a rinawm a, chutihrualin MZP hian zirlaite tan leh ram leh hnam tan an rilru an lo seng nasa thin hle tih pawh a lang chiang a ni.

A enga pawh chu nise MZP hmalakna hian mipui rilru ngaihtuahna thleng se, neih sa nei lova hetiang risk an la ngam hi mipui te pawh hian kan thlawp a tul a, zirlai an tirh tur te an sponsor na tur sum an khawn piah lamah hian tlem lua awm lo a, an sum bawma  pawisa kan va thawh ve pawh hi kan tih ve tur a nihna chen a awm a, an tih ang hian pawl tam tak pawh hian hetiang hawi zawng hian kan ngaihtuahna kan sen ve pawh a tha khawp ang .

Share now