ZALEN March 12, 2026: Mizoram Pollution Control Board (MPCB) chuan Dawrpui vawiin khan Multipurpose Hall-ah School leh College Eco-club-te tân thil/bungrua hman hlui/hluihlâwn tawh atanga thil hlû leh tangkai dang siamchhuah leh pho lanna leh inelna hun Waste to Wealth Exhibition cum Competition a buatsaih a ni. 

Mizoram hmun hrang hrang atangin zirlai naupangte’n thil hlui chi hrang hrang atangin College leh High School zirlai ten an thil siam chhuah an pho chhuak a. He Exhibition cum Competition hi Category pathuma then niin Category I-ah Primary leh Middle School an inel a, Category II-ah High School leh Higher Secondary School-te leh Category III-ah College leh a chunglam. Category tina lâwmman latute chu Liankima Lailung, IFS (Rtd.), Chairman, MPCB-in lâwmman pawisa-fai leh Certificate a hlân a ni.

Exhibition cum Competition buataihtu te hian an tum ber chu zirlai naupangte bawlhhlawh neih/tihtlêm pawimawhna zirtir bâkah bawlhhlawh nei tlêm tura kan thil duh tawh lohte paih nghal mai loa thil tangkai danga hmanna zawn (re-use) tangkaina kawh hmuha sumpaia chantir a nih theihzia hriattir a ni. Vawiin programme MPCB-in a buatsaih hi Ministry of Environment, Forest & Climate Change bul tuma Environment Education Programme (EEP) kal tlanga neih a ni.

Pic - Hei hi he news mil a, inhlanna a ni lo...